ايه يا سي بوش اخرتها معاك
ربنا يخدك واللي معاك
جاي بلادنا تعمل ايه؟
احنا ياتري هنضايفك ليه؟!؟
افتح صفحات تاريخك بص كويس فيها
شوف الدم اللي مغطيها
دم دا مين ؟
دم امريكي ولا يهودي
بص كويس دقق اكثر
دا دم طاهر وبرئ
دم اطفالنا في كل طريق
دم اطفالنا في فلسطين في لبنان
في العراق في افغانستان
لا لا دا في كل مكان
مش عايزينك اخرج برة
بعد دا كله نضايفك ليه ؟!؟
جاي بلادنا تعمل ايه!؟
جاي لسلام
ولا لاصدار احكام لحكمنا يعملوا ايه
اخرج برة اوعي تقرب
اه لو تعرف احنا قلوبنا ازاي كرهاك
طيب قولي ازاي ننساك
ننسي حيفا ولا قانا ولا بغداد
انت وصلت لغاية فين
اوعي تنجس ارض بلادي
اوعي تدوس رفات اجدادي
هنقلك اهلا ازاي
مين هيقبلك؟
مين هيضايفك ؟
مين هيخدك بالاحضان؟
غير كلاب انت مربيها
تأمر فيها وتحكم فيها
وتملي عليها شروطك فينا
هما عبيد واحنا بعيد
اوعي تفكر اننا نتاج مبارك
ولا عباس ولا حتي الملك حسين
احنا نتاج صلاح الدين
احنا جنود حطين
احنا رايات النصر
رافعها احمد ياسين
احنا جهاد وحماس
احنا امال الناس
مش هنسلم مش هنبيع
مش هنسيب الاقصي يضيع
ونقلك كلمه اخيرة واسمعها
مش عايزينك اطلع برة
هناك تعليقان (2):
قال يعني انتي لما تقوليله مش عاوزينك حيرجع
هو البعيد عنده دم؟
وبعدين احنا مين علشان نطرده
احنا شوية شعوب مغرضة مالهاش لزمة
عايشين عالة علي حكامنا اللي يا عيني متحملين قرفنا و ساكتين
صح
هما ساكتين
بس ساكتين عن الحق
لو فيهم راجل ماكانش الكلب ده دخل القدس بكل سهولة
في حين ان أصحاب الارض مش عارفين يدخلوها
بس هتقولي ايه؟
شوية عيال ممسكينهم الحكم
أصل احنا اللي نستاهل
حسبنا الله و نعم الوكيل
اهلا اهلا ديما فاتحه نفسي كدا
يا ستي هو الكلام بفلوس
ادينا بنقول يمكن حد عنده دم يفهم
ولا يجري الدم في عروقه ويحس
إرسال تعليق