اوعي تيأس

من بريدين لبيرول

اندول فيروان ثايو فين

dyes

ميثيل اورانج علي قينول فيثالين

علي انديجو

دي كلها مركبات كيميائية

طبعا انا دراستي كلها متركزه علي الكيمياء

وكان عندي امتحان النهارده ف المادتين دول

hetero وdyes

اصباغ كنا بنطلع من المعمل ايدينا كلها الوان

وكل معمل لون شكل

مش مشكله

المشكله ان الحمد لله

الدكتور متوصي بنا اوي في الماده دي

وجبلنا امتحان محترم

احنا كنا مذاكرين كويس

بس قدر الله وما شاء فعل

الحمد لله الذي لا يحمد علي مكروة سواه

المشكله ان معظمنا بيقع في المشكله دي

احنا بنكون مذاكرين الماده كويس

ندخل الامتحان ممكن ما نجاوبش كويس

نطلع من الامتحان

نقعد نقول دي اخرة اللي بيتعب نفسه في المذاكرة

ونروح البيت ننفض للماده اللي بعدها

المهم مش معني اني مش جاوبت كويس في الماده دي

يبقي ايأس وافقد الامل

واقول يعني المذاكرة عملتلي ايه

ما انا ذاكرت ومحلتش( وحسرتاه

لا لازم يكون عندي امل واصرار علي التفوق

ومش اسلم نفسي لليأس

اكيد دا كله ربنا مقدرة

اهم حاجه نذاكر ونعمل اللي علينا

ومش ننسي (ان الله لا يضيع اجر من احسن عمل )

انا بقول الكلام دا علشان اصبر نفسي

دعواتكم بقه يوم الخميس عندي 3 فروع كيما برضه

بس ربنا يسترها

اصل انا بدأت اتعقد من الكيمياء

شكلي هيبقي عندي فوبيا الكيميا