حتي الذبيحة هيعتقلوها
كالعاده وزي ما احنا متعودين
كل سنه قبل عيد الاضحي
بنجيب ذبيحه للفقراء
وبندعو اهل البلد لحضور الذبح
وبعد كدا بيتم توزيعها علي الفقراء
بس بعد ما جبنا الذبيحه
اكتشفنا انها مطلوبة
وسوف يتم محاكمتها محاكمة عسكرية
ويحكموا عليها بالاعدام بذبحها
ورميها في بطونهم
فامتلات البلد بالمخبرين
والامن بحثا عن الذبيحه
لمصادرتها
واعتقالها
ولكن تم ذبحها
بعيدا عن عيون البصاصين
بس المشكله ان ناس كتير مش حضرت الذبح
وتم توزيعها علي الفقراء
وضاع امل الظالمين في مصادرة الذبيحه
يعني ولا سيبين انسان في حاله
ولا سيبين حيوان في حاله
هي الناس دي عايزة ايه بالظبط
انسان وحيوان زهق منهم
خلاص الناس اتخنقت
حسبنا الله ونعم الوكيل
هناك 6 تعليقات:
الله احنا بدانا ... هههههه
البدايه كده هنشتغل فى السياسه ... لأ وكمان جمعت بين الخروف اللى الناس مش سيابينه فى حاله الايام دى وبين النظام اللى سايب الطيبين فى حالهم الايام دى باردوه ...
حاجة تقرف ... على رايك هيا الناس دى عايزه منا ايه ... عايزه ايه سلطه وواخداها بقالها 27 سنه فلوس ونهبنها عيشه وعايشينها عايزين ايه بأه بيحبسونا ليه ... لا لبنى السجان لا لا لا ... الظلم عمره ما هيدوم يا ولاد الــ
---
ومبروووووووووووووك على المدونة يا بنت مصر وسيرى سيرى فى التدوين
الاول مبرووووك على المدونه
ثانيا
حسبنا الله ونعم الوكيل
بووست رائع واسلو اروع
مبرووك مره تانيه
هي كل الناس حولت ليه؟
مبروووووووووووك يا ايمي
لو ماسكتيش هندبحك زي الخروف
و نضحي بيكي
و نوزع لحمتك علي أعضاء الحزب الوطني
يا اما هنعدمك رميا بالقرون
يللا
اختاريلك موتة
عمرو سلامه
الله يبارك فيك
سياسة ايه ياعم انا جيت ناحية
السياسه اصلا انا بتكلم علي الذبيحه
وبعدين هو زهق من السلطه عايز يغير لبوفتيك
جزاكم الله خيرا علي مرورك
الله يبارك فيك اخي محمد
حسبنا الله ونعم الوكيل في الظلمه
مشكوور علي مرورك
الله يبارك فيكي يا حبي
مظلمة المدونة
قصدي منوراها طبعا
اختاري موته علشان فضفضت بكلمتين
امال لو كانوا ثلاثه كان ايه اللي حصل
منورة يا عثل
إرسال تعليق